img
[ Новые сообщения · Участники · Правила форума · Поиск · RSS ]
  • Страница 1 из 1
  • 1
Forum » EV HEYVANLARI HAQDA FORUM » Göyərçinlər » Dəri parazitləri (Quşlarda çox geniş yayılmış parazitlər və onlarla mübarizə.)
Dəri parazitləri
DoctorCriminalДата: Вторник, 16.08.2016, 23:16 | Сообщение # 1
Warrior of Fireland
Группа: Администраторы
Сообщений: 30
Репутация: 32767
Статус: Offline

Bu mövzuda mən sizə bəzi ektoparazitlər barədə məlumat verəcəm. Göyərçinlər arasında geniş yayılmış xarici parazitlər quşlarda daimi narahatçılıq yaradaraq onların inkişafına maneə olmaqla yanaşı bir çox xəstəliiklərin yayılmasında da böyük rol oynayır. Təcrübəli quşbazlar arasında belə zarafat edirlər ki, parazit parazitin dostudur. Belə ki qanadsiz formalı dəri parazitləri bir quşdan digərinə məhz digər qanadlı parazitlər vasitəsi ilə keçir.

Bu parazitlərin əsas növləri bunlardır.

Qaniçən milçəklər:


Elmi adı Ornithomyia növünün, Hippoboscidae ailəsinin, Pupipara sırasına aid olan ikiqanadlı, orta ölçülü milçəkdir. Bir çox infeksion və virus xəstəliklərinin törədicilərinin yayılmasında iştirak edirlər. Quşların bədənində hərəkət edərkən və daha çox dişlərkən quşlar daima narahatlıq hiss edirlər. Quşlar qidadan imtina edir, yuvadan tullanırlar və cəld hərəkətlərlə lələklərini dimdikləyirlər. Qaniçənlərin fəaliyyəti nəticəsində quşlar halsızlaşır və onlarda anemiya yaranır. Bəzən hətta vaxtından əvvəl yumurtadan qalxma və balaların yedizdirilməsindən imtina halları da rastlanır. Parazitlər bala quşlara yoluxarsa bu halda inkişaf ləngiməsi və boy artımının ləngiməsi müşahidə olunur.


Parazitləri aşkar etmək üçün adətən tüklərin köklərini nəzərdən keçirmək lazımdır. Adətən boyun ətrafında və quyruğun əsasında rast gəlinir. Qaniçəni tutmaq çox çətindir. Beləki həddən artıq cəld hərəkətlə istənilən istiqamətdə qaçaraq tüklərin arasında gizlənirlər.
Bu problemlərin profilaktıkası üçün quş alarkən və ayda heç olmasa bir dəfə tüklərini arasını nəzərdən keçirmək və quşxananı təmiz saxlamaq məsləhətdir.


Tük-lələkyeyənlər:


0.3 mm en və 1-3 mm uzunluq ölçülərinə malik, sarı-qəhvəyi rəngli kiçik parazitlərdir. Tük-lələkyeyənlərlərin 6 növü məlumdur. Onların hamısı enli başa, tükləri və dərini gəmirməyə imkan verən gəmirici tip aparata malik ağızlara, 3 cüt ayaqlara və hər pəncədə 2 dırnağa malikdirlər. Parazitlər çox zaman başın və boyunun örtük tüklərində tapılırlar. Quşlar daima narahat olub tüklərini dimdikləyirlər.

Göyərçin gənələri:


Gənələrin xüsusi növü olub yumru bədənə, 4mm en və 4-10 mm uzunluğa malik, üzəri çanaqla örtülmüş parazitlərdir. 4 cüt ayağa və sorucu tipli ağız aparatına malikdirlər. Asta hərəkətlidilər, əsasən gecələr aktivləşib daha cavan göyərçinlərə hücum edirlər, gündüzlər isə quşxanada gizli yerlərdə gizlənirlər. Dəri örtüyünə daxil olmuş gənələr tünd qan rəngli halqa ilə əhatə olunmuş nöqtə formasında görünürlər. Qanla dolmuş (doymuş) gənələr qan qırmızı rəngə və böyümüş ölçülərdə malik olurlar. Bu gəmələrin tam inkişafı 2-3 ilə baş verir, soyuq havaya dözümlüdürlər, uzun müddət ac qala bilirlər. Göyərçin gənələri həmçinin insana və digər heyvanlara hücum edə bilər. Gənələr quşxanaya uzunmüddətli uçuşlardan və vəhşi göyərçinlərdən yayıla bilir. Gənələrə yoluxmuş quşlarda səpkilər, selikli qışaların solğunlaşması, tənginəfəslik, ürək döyüntüsünün artması kimi əlamətlər müşahidə olunur. Həddən artıq qan itirmə gənc quşların ölümü ilə nəticələnə bilər.

Qırmızı quş gənəsi:


Bu gənələr çox kiçik ölçülərə malikdirlər (0.6-0.7 mm). Oval, sarı-qəhvəyi rəngli bədənə malikdirlər. Deşici-sorucu ağız aparatına sahibdirlər. Üzəri tükcüklərlə örtülü, sonunda 2 dirnaq olan 4 cüt ayağa malikdirlər. İstiliyə həssas olan bu gənələr günortalar gizlənirlər. Birbaşa gün şüalarına dözmürlər. Lakin uzun müddət gizlənərək ac qala bilərlər. Yetkin gənənin ömrü 2 aydır. Göz qapaqlarına və burun dəliklərinə daxil olaraq selikli qişada iltihab formalaşdıraraq quşlarda narahatçılıq yaradırlar. Qanla dolan gənələr qırmızı rəng və oval forma alırlar. Gənc quşlar parazitlərlə çox yoluxmuş olarsa inkişafdan və boy artımından geriləməklə yanaşı, hətta uçmaq qabiliyyətlərini də itirə bilərlər. Zədələnmiş dəri sahələri boz rəng alır, selikli qişalar saralır. Ölümlədə nəticələnə bilər.

Göyərçin biti:


Qəhvəyi rəngə, deşici-sovurucu tip aparata malik ağıza, gözlərə və bığlara sahibdir. Uzun müddət aclığa dözümlüdür. Əksər hallarda digər parazitlər kimi gecələr, lakin istənilən yaşlı quşa hücum edir. Müxtəlif infeksiyaları yaya bilir. Quşlarda narahatlıq, yuxusuzluq, selikli qışaların solğunlaşması, tənginəfəslik, ürək döyüntüsünün artması kimi əlamətlər müşahidə edilir. Qanla dolmuş biti spesifik iyinə görə və divar, taxta çatlarında tapmaq olar.

Müalicəsi:

Bu parazitlərlə mübarizıdə əsasən ANTİPARAZİT adlanan preparatdan istifadə olunur. Tərkibində aktiv element peritroid. Quşlarında içəridə olması şərti ilə qapalı yerlərdə istifadə olunur. Üstünlükləri: İstanilən yaşda göyərçinlər üçün tam zərərsiz olması, istifadə rahatlığı, münasib qiymət, parazitlərin və onların süfrələrinin bir gecəyə məhv edilməsi. Ayda bir dəfə istifadəsi tövsiyyə olunur.
 
DoctorCriminalДата: Среда, 17.08.2016, 01:49 | Сообщение # 2
Warrior of Fireland
Группа: Администраторы
Сообщений: 30
Репутация: 32767
Статус: Offline
Öz quşlarımın balalarında bu parazitləri gördükdən sonra daha çox maraqlandım bu sahə ilə.

 
Forum » EV HEYVANLARI HAQDA FORUM » Göyərçinlər » Dəri parazitləri (Quşlarda çox geniş yayılmış parazitlər və onlarla mübarizə.)
  • Страница 1 из 1
  • 1
Поиск: